err, wia wirds sein, wannst
wieder kimmst
und wannst dei Herrschaft übernimmst
und Erd und Himml wirst regiern?
Ob ma zur rechtn Zeit wohl gspürn,
wia weit ma san in Welt-Advent-
ob schon die vierte Kirzn brennt?
err, wia wirds sein? Du host
uns gsogt,
was vorher olls die Menschheit plogt,
daß Angst wird sein, wia nia zuvor,
seit daß die Welt erschaffn woar.
Mir san so friedlos, hom koa Ruah
und holtn Ohrn und Augn zua,
mir wölln nix hörn und wölln nix sehgn
und wissn denna: Es wird gschehgn!
err, wia wirds sein in dera
Zeit,
wannst wiederkimmst in Herrlichkeit?
Wannst kimmst, nit wia ban erschtnmol
ols hilflos's Kindl in an Stoll,
wannst kimmst, daß Welt und Sternenmeer
derkennt und woaß: Du bist es, Herr!
err, wia wirds sein vorn großn
Gricht?
Was fallt dann noh für uns ins Gwicht?
Was gschaffn hat dei Wort und Willn,
mir homs verluadert, werns verspieln!
Was mit dein Segn joahrtausndlong
is worn und gwochsn: müad und krank,
es muaß verkemma und verderbn -
is's Wasser gifti, Wold zan Sterbn.
chon zittert unser Weltnhaus,
a Druck am Knopf - und olls is aus,
nur weil mir Menschnzwerg, mir kloan,
olls kinnan, derfn, wia ma moan...
err, wann in großn Welt-Advent
die vierte Kirzn niederbrennt,
dann gib ah uns den Engl mit,
der domols gsogt hot: "Fürchts enk nit!"
