s fongt scho in November on.
Ban Tog, do gspürst nit vül davon,
tuats Wetter holwegs, aft holt jo,
reißt draußtn d'Orbat eh nit o'.
Konnst ollwei noh a Strah zomtoa
und Zepfa klaubn am trucknan Roa,
die Obstbam guat mit Stroh eindrahn,
daß d'Hasn nit an Schodn tan.
Ban Zaun hängst Tor und Godan aus,
aft hoaßts noh nochischaun ban Haus,
daß umandum olls paßt und stimmt,
wanns ernst wird und da Winter kimmt.
Und so findst ollwei wos zan toa,
doh d'Sunn is müad, da tog is kloa,
's wird finster, Zeit zan einigehn.
Vorn Haustor bleibst an Eichtl stehn
und schaust und lost - und nimmst as woahr:
so still is's wia suns nia in Joahr,
so still heraußt, so still wirds drein.
Da Wold tramt untern Sternliachtschein,
a goldne Bruckn sponnt sih weit
bis zruck in d'liabe Kindazeit.
n da stilln Zeit