Texte Advent: Aus dem Buch
und uman Sunnberg
Weihnachten

ann ih a Hirt wa(r) in Betlehem
und höret die Engl verkündn:
"Steh auf schnell, nochand wirst in Stoll
heint den Messias findn!"
Ih ziachat gschwind mei Röckl an
und rennert, was ih renna kann
und sacht in Stoll schon, liachtn Schein,
und bleibert stehn - mir follert's ein:
Wos bring ih hiaz den Kindl mit?
Ganz ols a laarer kimmt ma nit!
Wos sollt ih in da Nocht hiaz holn?
Ih hätt schon längst wos richtn solln!
Weil's z'spot is, muaß ih mih scheniern
und trau mih nit voran hinknian...
Ih bleibert still und ausn Liacht
in Winkl, wo mih sunst neamd siacht
und wo mih neamd bemirkt und woaß
wia Ochs und Esl, Schof und Goaß!-

err Christ! - Geht's gach mit mir zan End,
ih fürcht, ih han halt laare Händ!
Aft druck a Aug zua, schau nit hin,
wann stad ih in an Winkerl bin,
wo ih so hinter d'bessern Leit
va weitn siach dei Herrlichkeit.
Da derf ih auf die Engl losn,
eah Gloria, Trumpetnblosn...
Und pock's mih gach und ih sing mit -
göl, ausischmeißn tuast mih nit!