(Werke Nr. 07 und 16)
us dem Buch: Wird olls wieder guat
Derweil noh neamd wos woaß  (Mutterzyklus)

[.....]
chon firbt sih's Lab, da Summa geht zan Oat.
Verdeckts koa Montl neama, und ma gwoahrt,
wos los is und wias mit der Muatter steht -
ma schaut ihr noch, wanns über d' Stroßn geht.
Amol kimmt d' Nochbarin eina ba da Tür
und d' Muatter wundert sih - de kimmt sunst nia.
"I han grod gsehgn", soggs, "daß Se Woschtog hom.
Wanns Ihna recht is, helf ma a weng zom,
Se derfn nit so schware Schaffln trogn."
Do hots da Muatter richti d'Red vaschlogn
derweil die oan schon zuapockt, gschickt und gschwind,
und host nit gsehgn, bauscht sih die Wäsch in Wind.
Hiaz kimmt sie öfter, mocht koa Wesn, still
greifts zua, wo's nottuat, und sie redt nit viel.
Nur hima, wann sie ba da Orbat siacht,
daß d' Muatter zog is und wia hoart ihr gschiacht,
dann sogt sie stad, in ihrer ruahrign Oart:
"Die Zeit is long, so long ma auf wos woart;
ban Zruckschaun schaut des Ding gonz onders aus.
Probiern S' und denkn S' nur a Joahr voraus,
bis daß die nächstn Summableaml blüahn . . .
Oans kriagn is leichter ols wia oans verliern!"
[.......]